Ehun Mendietako Ermandandea

Ehun Mendi Lehiaketa Euskal Herriko Gailurren Katalogoan sartutako beste hainbeste menditara ehun igoera egitean datza.

Bere osaketa, alpinismoaren praktika sustatzen saiatzen da eta horren bidez, gure herrialde osoaren eta bertako jendearen ezagutzarik osatuena, naturaren errespetua eta kontserbazioa sustatzeko.

Jarduera hau lehiaketaren oinarrien arabera egiten bada,  Ehun Mendietako Ermandadean sartu eta diploma bat jasoko duzu.

Datorren azaroaren 8an, igandean, 100 Mendietako Ermandadearen Eguna ospatuko da Derion. Jardunaldia 8:30eanhasiko da, udal pilotalekuaren kanpoaldean (Arantzazu kalea, 4). Bertatik abiatuko da Berreaga mendira (363 m) igotzeko ibilaldia, Untza Mendi Taldearen laguntzarekin antolatua. Ibilbidea abiapuntu berean amaituko da.

Ibilaldiaren ostean, diplomak eta aitortzak banatzeko ekitaldia egingo da. Aurten, 100 Mendien Lehiaketa 130 aldiz osatu izana aitortuko da: 63 lagun lehen aldiz sartuko dira Ermandadean, eta beste 67k ehun mendiko beste ziklo bat osatu izanaren aitortza jasoko dute. Horrez gain, Ehun Mendi Bereziaren 5 diploma banatuko dira, eta EMFk «600 Gailurrak»egitasmoari dagokion aitortza egingo du. Bertaratzen diren omenduek opari bat jasoko dute, eta jardunaldia pintxopote batekin amaituko da.

Izen-ematea doakoa da, baina derrigorrezkoa, eta azaroaren 5era arte egongo da zabalik. Opariak jardueran parte hartzen duten pertsonei soilik emango zaizkie; ezingo dira beste pertsona baten bidez jaso, ezta etxera bidali ere.