Azken bi urteetan egin den bezala, EMFk irizpide batzuk ezarri ditu Euskal Selekzioan parte hartu ahal izango duten lasterkariak zehazteko, kirol-merezimenduetan, alderdi objektiboetan eta izaera teknikoko beste irizpide batzuetan oinarrituta.
Nahitaezko baldintzez gain (mendi federazio-lizentzia izatea eta Euskal Selekzioa ordezkatzeko konpromezua), beste hautaketa-irizpide batzuk definitu ditugu. Irizpide horiek kontuan har ditzakete korrikalariek, zer aukera dituzten jakiteko eta, hartara, Euskal Selekzioan parte hartzeko.
- EMF Txapeldunen ZUZENEKO SARBIDEA, bai txapelketetan bai kopetan.
- Kontuan hartuko dira EMF txapelketetan lasterkariek lortutako EMAITZAK.
- Kontuan hartuko dira Euskal Herriko linea, ultra eta bertikaleko kopen EMAITZAK.
- Euskal Herriko Koparen behin-behineko SAILKAPENA.
- EMAITZAK nazioarteko, estatuko eta EMFk homologatutako lasterketetan.
- Gainera, EMFko mendiko lasterketen teknifikazio taldeko kide izatea baloratuko da.
- Horri guztiari gainera hautatzaileen IRIZPIDE TEKNIKOA aplikatu behar zaio.
Egutegiak antolatu ondoren, hauek izango dira Euskal Selekziorako plaza zuzenak lortzeko lasterketak:
SKYRUNNER WORLD SERIES, Munduko Kopa 2024
OHARRA: Skyrunner World Series-en egutegia Euskal Herriko Koparen egutegia baino lehenago hasten denez, lehenengo lasterketetarako hautaketa 2023. urtean lortutako emaitzen arabera egingo da.
Skyrace Gorges du Tarn, Ste Enimee, Frantzia – Maiatzak 18, 24 km, 1800 m+
- Enkarterri 21K irabazleak (neska eta mutila)
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
MADEIRA Skyrace, Portugal – Ekainak 15, 45 km, 3600 m+
- Euskal Herriko ULTRA Kopako bigarren lasterketa (Domusa Teknik) egin ondoren, behin-behineko sailkapenean dauden lehenengo neska eta mutila.
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
Skyrace Du MERCANTOUR, Frantzia – Ekainak 23, 30 km, 2150 m+
- Ioar-Kanpezu, LINEA Euskal Herriko Txapelketa, irabazleak (neska eta mutila)
- Euskal Herriko LINEA Kopako hirugarren lasterketa (Ioar Kanpezu) egin ondoren, behin-behineko sailkapenean dauden lehenengo neska eta mutila.
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
MAGA SkyMarathon, Italia – Irailak 22, 39 km, 3000 m+
- EH Mendi Erronka, Euskal Herriko ULTRA Txapelketa, irabazleak (neska eta mutila)
- Euskal Herriko ULTRA Kopa 2024 irabazleak (neska eta mutila)
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
SOBRESCORBIO Skyrace, Asturias – Urriak 27, 32 km, 2100 m+
- Euskal Herriko Linea Kopako zazpigarren lasterketa (Skyrhune) egin ondoren, behin-behineko sailkapenean dauden lehenengo neska eta mutila.
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
2024ko denboraldiko Espainiko txapelketen deialdiak OSATZEKO irizpideak hauek izango dira:
OHARRA: Espainiko txapelketa batzuen datak ikusita, 2024ko hainbat lasterketa erabiliko dira deialdiak osatzeko:
2024 Espainiko LINEA txapelketa: TRENCACIMS (maiatzak 5)
- Enkarterri Extrem 21K irabazleak (neska eta mutila)
2024 Espainiko KILOMETRO BERTIKAL txapelketa: KV VALDEZCARAY (ekainak 2)
- Txindokiko KB irabazleak (neska eta mutila)
2024 Espainiko ULTRA txapelketa: DESAFIO SOMIEDO (uztailak 6)
- Enkarterri Extrem 60K irabazleak (neska eta mutila)
2025ko denboraldiko Espainiko txapelketetara joateko irizpideak hauek izango dira:
2025 Espainiko ULTRA txapelketa indibiduala eta taldekoa
- EH Mendi Erronka lasterketa, Euskal Herriko ULTRA Txapelketa, lehen eta bigarren sailkatuak (neska eta mutilak)
- 2024ko Euskal Herriko ULTRA Kopako behin-betiko sailkapenean lehen eta bigarren sailkatuak (neska eta mutila)
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
2025 Espainiko KILOMETRO BERTIKAL txapelketa indibiduala eta taldekoa
- Zegamako Kilometro Bertikala lasterketa, Euskal Herriko KB Txapelketa, lehen eta bigarren sailkatuak (neska eta mutilak)
- 2024ko Euskal Herriko BERTIKAL Kopako behin-betiko sailkapenean lehen eta bigarren sailkatuak (neska eta mutila)
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
2025 Espainiko LINEA txapelketa indibiduala eta taldekoa
- Ioar-Kanpezu lasterketa, Euskal Herriko LINEA Txapelketa, lehen eta bigarren sailkatuak (neska eta mutila)
- 2024ko Euskal Herriko LINEA Kopako behin-betiko sailkapenean lehen eta bigarren sailkatuak (neska eta mutila)
- Taldea osatu arte beste lasterketa batzuetan lortutako emaitzak eta irizpide teknikoa erabiliko ahalko da.
*OHARRA: lasterketaren irabazleak edo sailkapenaren lehenengoak deialdiari uko eginez gero, sailkapeneko bigarrenari deituko zaio.
