Euskal-Nafar Alpinismo Federazioko ordezkariek ohorezko sakea egingo dute Athletic Clubek FC Bartzelonaren aurka martxoaren 3an, 21:00etan, San Mamesen jokatuko duen partidan, LaLiga Ea Sportseko 27. jardunaldiari dagokiona. Hortaz, Athletic Clubek federazioaren lanari esker ona adierazi nahi du, mendizaletasunak ordezkatzen dituen balioak aldarrikatzen ditu eta 2024an egindako mendeurrenarengatik zorionak ematen dizkigu
1924ko maiatzaren 18an Euskal-Nafar Alpinismo Federazioa sortu zen Elgetan, eta Athletic Club bere sortzaileetako bat izan zen garai hartan zuen mendi sailetik.
Bilboko erakundeak azpimarratu duenez, “gorabeherak gorabehera, bi erakundeek elkarrekin lan egiten jarraitzen dute, Euskal Herriko gizartearen DNAren berezko elementu bat gorpuztuz, hala nola mendia eta bere balioak: kirolean, osasunean, elkartasunean, lan kolektiboan, emakumearen presentzian, euskaran edo murrizten zen garaietan askatasun-eremuen bilaketan pertsonifikatutako balioak. Hori guztia, euskal alpinismoaren mugarri historikoekin batera, bideak bilatuz eta ahal baino bide gehiago eginez, Himalaiatik belaunaldi ezberdinak markatu zituzten espedizio mitikoekin eta gure geografiako edozein lekutara astero egin ohi diren irteerekin. Ibilbide historiko, kultural eta soziala da, erabat «Made In Euskal Herria», eta Athletic Cluben esker ona eta txalo zaparrada merezi du.”
