Joan den asteburu luzearen harira, Euskadiko orientatzaile talde handi bat Extremadurako Torremochara bidaiatu da Espainiako Orientazio Ligako azken txapelketan parte hartzeko. Guztira 43 euskal ordezkari izan dira, 12 urtetik 65 urtera bitarteko kategoriak ordezkatuz.
Txapelketak hiru proba puntuagarri izan ditu —luzea, ertaina eta sprint-a— eta euskal kirolariek maila oso altua erakutsi dute guztietan. Nabarmendu beharreko emaitzak, besteak beste:
-
Oxel Goikoetxea (M-12), lehenengo sailkatua proba guztien batuketan
-
Iurgi Calzada (M-12), bigarren postua
-
Alain Bengoetxea (M-14), lehenengo postua
-
Ekain Fernandez (M-16), bigarren postua
-
Aratz Beobide (M-18E), lehenengo postua
-
Lali Fernandez (F-65), bigarren postua
Emaitza hauek agerian uzten dute euskal orientazioaren osasuna eta belaunaldi berriek erakusten duten indarra. Zorionak parte-hartzaile guztiei, eta 2026 urtea maila berean hasteko gogoz!
