Eñaut Usonek bere txapelketen titulu zerrenda handitu du Bloke eta Abiadurako 14 urtez azpiko Espainiako Txapelketarekin

Zilarra Araceli de Bilbaorentzar (14 urtez azpikoa) eta brontzea Maddi Agirrerentzat (16 urtez azpikoa) eta Joanes Espartarentzat (20 urtez azpikoa)

Euskal Selekzioak Eskaladako denboraldiari amaiera eman dio Espainiako 2023ko Bloke eta Abiadura Txapelketarekin, Caceresen. Extremadurako hiriak hiriaren erdigunean hartu zuen FEDMEren lehia-ibilbideari amaiera ematen zion hitzordua.

Euskal Selekzioaren ordezkaritza 16 eskalatzailek osatu zuten, horietatik 10 finalistak izan ziren eta 5ek dominak lortu zituzten. Tiraderara igo zirenen artean, 14. azpikoaren gorenera Eñaut Uson iritsi zen, eta titulu hori aurreko astean Zailtasun sailean lortutakoari gehitu behar zaio. Metal bat eraman zuen beste eskalatzaile bat Araceli de Bilbao izan zen, 14 urtez azpikoetan bigarren amaitu zuena. Brontzezko domina Maddi Agirrek (16 azpikoa) eta Joanes Espartak (20 azpikoa) lortu zuten.

Eskaladako Euskal Selekzioaren zuzendaritza teknikoaren balantzeak hiru gai azpimarratu nahi izan ditu: “Hainbat podiumen lorpena, bereziki eskalatzaile gazteena; eskalatzaileen eboluzioa onenen artean tokia eginez; eta, azkenik, taldea, selekzioari berezko nortasuna emanez erregulartasun jarraitua mantendu duena”.

Balorazioen artean badago beste gauza bat ere: abiadura-diziplina, “gureentzako gainditu gabeko ikasgaia izaten jarraitzen duena”.

ABIADURA ETA BLOKE ESKALADAKO 2023ko ESPAINIAKO TXAPELKETA