Joan den urtarrilaren 24an, larunbatean, Causiat Extrem probako edizio berri bat jokatu zen. Eskimoko proba hau 2026ko Euskal Herriko Kopako lehen proba izan da.
Lehiaketa Candanchuko estazioaren inguruan egin zen, baldintza oso zailak izan arren: elur pilaketa handia eta ikuspen eskasa. Segurtasuna une oro lehenetsita, proba aurrera ateratzea posible izan zen eski nordikoko ibilbideak erabiliz eta erabat seguruak ziren eremuetan diseinatutako ibilbide bati esker.
Ibilbidea, eguraldiak baldintzatuta, aurreko edizioetakoarekin alderatuta zertxobait desitxuratuta geratu zen, baina egoerak ez zuen aukera gehiagorik ematen. Antolakuntzak bereziki eskertu nahi du trazatzaileen lan gogorra eta konplexua, egoerara egokitu eta proba segurtasunez garatzea ahalbidetu baitzuten.
Proba honetako emaitzei esker, 2026ko Euskal Herriko Kopako lehen sailkapena osatu da, eta horrela denboraldi berriari hasiera eman zaio.
Sailkapenak
| Kategoria | Postua | Izena |
|---|---|---|
| U14 | 1. | Aiur Hernani García |
| U16 | 1. | Kimetz Korta Iñarra |
| U18 | 1. | Ibai Hernani |
| 2. | Unax Sologaistoa Zubia | |
| U20 | 1. | Hugo Robles Lomeña |
| 2. | Markel Barrio | |
| 3. | Unax Hernando Benito | |
| U23 | 1. | Aitor Ugarte Eriz |
| 2. | Oier Moreno | |
| Senior Gizonezkoa | 1. | Ander De Miguel |
| 2. | Asier Labairu | |
| 3. | Aitor Ugarte Eriz | |
| Senior Emakumezkoa | 1. | Uxue Loizu |
| 2. | Andrea Zarranz | |
| 3. | Oihana Zubillaga Blanco | |
| Senior Gizonezkoa M40 | 1. | Imanol Rodríguez |
| 2. | Iñigo Orkaiztegi Noguera | |
| 3. | Aitor Arbulu Bernaola | |
| Senior Gizonezkoa M50 | 1. | Mikel Navarro Aranzadi |
| 2. | Joseba Tobar | |
| 3. | Iñaki Korta Barrena | |
| Senior Gizonezkoa M60 | 1. | Angel Olaso |
Ver esta publicación en Instagram
Euskal Selekzioa Frantziako Kopa Nazionalean
Bestalde, aipagarria da Loic Thevin-en emaitza. Euskal Selekzioko kidea den eskiatzaileak hirugarren postua eskuratu zuen Master 40 kategorian, 2025-26 denboraldiko Frantziako Kopa Nazionaleko proban, Combe Bénitenjokatutakoa.
Jatorriz frantziarra izan arren, Loic Thevinek ez zuen zalantzarik izan Euskal Selekzioaren koloreekin lehiatzekoFrantziako egutegiko proba entzutetsu honetan, eta podiumera igotzea lortu zuen bere kategorian, nazioarteko mailako jardun nabarmena sinatuz.
