EMFko Alpinismoko Teknifikazio Taldeak denboraldiko lehen negu-irteera egin du Dolomitetan, 2026ko urtarrilaren 17tik 25era bitartean burutu den kontzentrazio batean.
Jarduera izotz-eskaladako teknifikazioan oinarritu da, Asturiasko eta Madrilgo kirolariekin partekatutako teknifikazio arteko topaketa baten barruan. Esperientziak balio handia izan du bai maila teknikoan bai prestakuntza aldetik.
Irteera honek aurrerapauso garrantzitsua ekarri dio taldeari, diziplina oso zorrotz eta exijente baten hobekuntza teknikoa lantzeko aukera eskaini baitu. Gure inguruko alpinistentzat ohikoa ez den esparrua izan arren, aurkitutako baldintza oso onek praktikak garatzeko eszenatoki ikusgarria eskaini dute.
Kontzentrazioan zehar, izotzeko eskaladako hainbat jardunaldi eta saio tekniko egin dira, Dolomitetako erreferentziazko hainbat gunetan:
- 1. eguna – Armentarola
Izotz-eskaladako saio teknikoa, Santi Padrosen gidaritzapean. - 2. eguna – Colfosco
Espada de Damocle (120 m, WI4+)
Solo per Pochi (90 m, WI4+/5) - 3. eguna – Colfosco
Lujanta (90 m, WI4+/5)
Exner - 4. eguna – Jarduera bi taldetan banatuta
A taldea – Val de Gares
Tre por Tre (110 m, WI5, III)
The End (80 m, WI3+)
B taldea – Val Travenanzes
Pilone Centrale (270 m, WI5+, IV)
Sogno Canadese (200 m, WI4+/5, III) - 5. eguna – Armentarola
Bigarren saio teknikoa, berriro ere Santi Padrosen zuzendaritzapean. - 6. eguna – Colfosco / Val Mesdi
Hruschka (500 m, WI5, V-, M4) - 7. eguna – Sottoguda
La Cattedrale Centro (lehen luzea, 35 m, WI5, II)
Excalibur (110 m, WI4+, II)
Taldeko kideak:
• Ibai Otaegi
• Adriana Gómez
• Ixone Garmendia
• Aitor Bilbao
• Ander Jauregi
• Iban Silvar
Jardueraren balorazio orokorra oso positiboa izan da, bai lortutako maila teknikoagatik bai taldearen inplikazioagatik. Neguko lehen irteera honek oinarri sendoa ezarri du denboraldiari begira, teknifikazio taldearen garapena eta progresioa indartuz.
