ELURJAUZIA: Zer egin?

1 Prebentzioa

• Ingurunearen ezagutza: mendia neguan.
• Baldintzen ezagutza: meteorologia, elurjauzi arriskua (ACNAren elurjauzi informazio orria), gune arriskutsuak
• Materialaren ezagutza: pala, sonda, DVA (detector de víctimas de avalancha), arropa egokia, karga duen telefono mugikorra, airbag duen motxila, ahoa estalita eramateko buff edo antzerakoa

2 Aurreikustea

• Duda izanezkero, atzera buelta eman
• Banan bana zeharkatu arrisku guneak alderik garaienetik edo behekaldetik, eta lehenik pisu gehiago duenak.
• Ekidin bat bestearen ondotik jeistea.
• Mesfidati izan aurkitzen ditugun aztarnekin.
• Segurtasun gune batetik beste segurtasun gunera abiatu.

3 Elurjauziak harrapatzen bagaitu

• Saiatu harkaitz handi bat, tontortxo edo zuhaitz baten atzean babesten.
• Diagonala hartuta, gertuen dugun alborantz saiatu ihes egiten.
• Bastoi eta eskien lokarriak aske eraman. Motxila besape batetik sartuta bakarrik.
• Ahoa zapi edo buff batekin babestu.
• Saiatu ahalik eta alboen eta azalerago geratzen, sakonera txikiagoan elurperatua geratzeko.
• Harkaitz edo zuhaitz bateri heldu eramana izatea ekiditeko, posible ez balitz, azaleraruntz “igeri” egin.
• Elurjauzia gelditzen denean
  • Aurpegi inguruko elurra zapaldu aire kamara bat egiteko.
  • Tarteka bakarrik ohiukatu, soinu motz eta akutuak egin.
  • Laguntza itxaron ahalik eta lasai.

4 Nola lagundu elurjauzia ikusten badugu?

• Saiatu laguna bistatik ez galtzen bilaketa gunea hobeto zehazteko gero.
• 112 telefonora deitu.
• Gogoratu lehenik GURE segurtasuna bermatu behar dugula, elurjauziaren errepikapena aukeran dagoela kontuan izan, behar izanezkero babestu.
• Begiratu eta entzun: ohiuak, elurperatuarik ez dauden arropak
• DVA guztiak bilaketa moduan jarri.
• Ateratze azkarra: honen abiadura HIL ALA BIZIKOA da
  1. Bilaketa dispositiboak: DVA, RECO
  2. Pala eta sonda.
  3. Sorospen taldeetako txakurrak.
  4. Lehenetsi buruaren askatzea, diagonalean zulatuz elurra.