Zazpi · Zuberoa · 2027
Zalagaine + Bosmendieta, “Basabürüa, Xiberoko bihotza”
Xiberoako mendiak, memoria eta mitologia.

21,91 km
Distantzia
1.275 m
Desnibel metatua
1.169 m
Gehienezko altuera
Ibilbidea
Zirkularra
Ibibidea
Ligi → Buskoi → Bosmendieta → Erbexe → Etxebar → Espeldoia → Ligi
Ibilaldiari buruz
Zalagaine–Bosmendietako ibilbide zirkularra Ligitik abiatzen da, eta Xiberoako ikuspegi zabalak, larreak eta basoak uztartzen ditu euskal kulturari lotutako lekuekin. Etengabeko igoerak Buskoiko lepora eramaten du, eta handik gailur-lerroari jarraituz iristen da tontorrera. Bertatik, Orhi, Irati, Holtzarte, Pixtako ur-jauzia eta San Martin Harria bezalako lekuak ikus daitezke. Ia ia Xiberoa osoa agertzen da.
Bosmendietatik behera, bideak larreak zeharkatzen ditu, Ibar Eskuin haranera eta Altzai eta Lakarri bezalako herrietara begira. Ondoren, Erbexeko basoan barneratzen da; ehun urtetik gorako zuhaitzak eta gizakiak gutxi eraldatutako ingurunea nabarmentzen dira bertan. XIX. mendearen amaieran, burdin mineralez zamatutako mandoak haran horretatik igarotzen ziren Larraineko burdinoletara bidean.
Aretalepoako hondakinek gogora ekartzen dute inguruko biztanle batzuk zein bakartuta bizi ziren. Ibilbidea Etxebartik ere igarotzen da, Xiberoako herririk txikienetik. Lasaitasuna da haren ezaugarrietako bat, baita bideak herrian bertan amaitzea ere.
Espeldoia auzoan Bereterretxeren hilarri diskoidala dago. XV. mendean Mauleko bizkondeak Larraineko nekazari bat hil izana gogorarazten du. Gertakari hartatik sortu zen Euskal Herriko herri-kanta zaharrenetako eta ezagunenetako bat, Mikel Laboak eta beste hainbat kantarik abestua. Handik, bidexka batek Ligira eramaten du berriro.
Dokumentazio interesgarria
- 08:15 — Hitzordua Ligin, herriko aretoaren aurrean
- 08:45 — Ibilaldiaren irteera
- 1:45 — Zalagainera iristea
- 12:00 — Kantuak, trikitia eta bertsoak
- 14:00 — Berriz abiatzea
- 16:30 — Ligira iristea
Eguraldia zalantzazkoa bada
- 08:15 — Hitzordua Ligin, herriko aretoaren aurrean
- 08:45 — Ibilaldiaren irteera
- 11:45 — Mokadutxoa Zalagainen
- 12:15 — Ligira zuzenean jaistea
- 14:15 — Bazkaria Ligin, herriko aretoan
- 15:30 — Kantuak, trikitia eta bertsoak












