Euskal Mendizale Federazioak Andrés Espinosa Beka 2026ren deialdia ireki du, alpinismoarekin lotutako proiektuak bultzatzeko helburua duen itzuli beharrik gabeko dirulaguntza.
Beka EMFn federatuta dauden pertsonei zuzenduta dago, banaka zein taldean, 40 urtetik beherakoei, gutxienez bi urteko antzinatasun federatiboa dutenei, eta deialdiaren urtean alpinismoarekin lotutako proiektu bat garatuko dutenei. Besteak beste, eskalada-proiektuak, alpinismo klasikoa, andinismoa, himalayismoa edo dibulgazio-lanak (gidak, liburuak edo ikus-entzunezko ekoizpenak) aurkez daitezke.
Aurkeztutako proiektuak EMFren Zuzendaritza Batzordeak osatutako epaimahaiak baloratuko ditu, eta kontuan hartuko dira, besteak beste, kalitatea eta originaltasuna, aurreko esperientzia, planteatutako helburuak eta proiektuak mendizaletasunaren esparruan duen erabilgarritasuna.
Beka itzulezina da, eta hautatutako proiektua garatzen eta gauzatzen laguntzea du xede, alpinismoarekiko eta diziplina honen barruan maila handiko ekimenak sustatzeko EMFk duen konpromisoa indartuz.
📄 Ondorengo estekan Andrés Espinosa Beka 2026aren oinarri osoak kontsulta ditzakezu, bertan zehazten baitira baldintzak eta aurkeztu beharreko dokumentazioa.
Deialdiaren epea: martxoaren 27ra arte (barne)
