EMFren alpinismo-arloak teknifikazio-talde berri bat aurkeztu du, bi denboraldiko iraupena izango duen prestakuntza- eta jarduera-ziklo bat hasiko duena, 2025etik 2026ko uda amaitu arte.
Taldearen hautaketa egiteko, 40 curriculum jaso ziren, eta horietatik 20 hautagai deitu ziren urtarrilaren 24tik 26ra Tenako haranean egin ziren proba zorrotzetara. Meteorologia nahiko kaskarra izan arren, izotz-eskalada, eski eta harkaitz-eskalada probak egin ziren, baita elkarrizketa pertsonal bat ere. Parte-hartzaileen maila altua zela eta, azken hautaketa egitea oso zaila izan zen, eta azkenean sei alpinista gaztek osatutako taldea definitu zuten.
Taldea hiru emakume eta hiru gizonek osatzen dute:
• Ixone Garmendia Garaizabal
• Lide Leibar Eraso
• Maddi Mujika Arrizabalaga
• Ander Jauregi Goñi
• Aitor Bilbao Ortega
• Ibai Otaegi Tardits
Taldearen formakuntza eta gidaritza Iban Silvar Gil UIAGM gidariaren eta Euskadiko eta Gipuzkoako Federazioko teknikariaren esku egongo da.
Ziklo honetan, partaideek jardueren egutegi bat jarraituko dute, hainbat alpinismo-diziplinetan errendimendua eta eboluzioa hobetzeko. Prestakuntza tekniko espezializatuaren bidez, taldea erronka berriei aurre egiteko prestatuko da, eta kirol honetan euren progresioa jarraituko dute.
